የኢትዮጵያ ኢንዱስትሪ ግብዓቶች ልማት ድርጅት በምግብ ሸቀጦች ላይ የሚታየውን የዋጋ ንረት ለማርገብና ገበያውን ለማረጋጋት 16.5 ሚሊዮን ሊትር ፓልም የምግብ ዘይት ከጅቡቲ ግዢ በመፈጸም በድርጅቱ የሽያጭ ቅርንጫፎች በኩል በተመጣጣኝ ዋጋ በማሰራጨት ላይ ይገኛል፡፡

ድርጅታችን በእስካሁኑ እንቅስቃሴ 2.39 ሚሊዮን ሊትር በላይ የምግብ ዘይት በአዲስ አበባ ቃሊቲ መውጫ አካባቢ ከሚገኘው አንዶዴ የባቡር ጣቢያ ምርቱን በቀጥታ ከባቡር ላይ በመረከብ በሶስት ዲስተሪክት ጽ/ቤቶች ስር በሚገኙ የሽያጭ ቅርንጫፎቻችን በማሰራጨት ለህብረተሰቡ ለ2016 የዘመን መለወጫ በዓል እንዲደርስ የማድረግ ስራ ተከናውኗል፡፡

የምግብ ዘይቱ የንግድና ቀጠናዊ ትስስር ሚኒስቴር ለክልሎች ባወጣው ባወጣው ኮታ መሠረት የሚሰራጭ ሲሆን ድርጅታችንም በእስካሁኑ እንቅስቃሴ በማዕከላዊ፣ በምዕራብና በደቡብ ዲስትሪክቶች ስር በሚገኙ 31 የሽያጭ ቅርንጫፎች አሰራጭቷል፡፡